» » » Память - 14 апреля. Молитвы ко святой преподобной Марии Египетской

основное / новости

Память - 14 апреля. Молитвы ко святой преподобной Марии Египетской

Молитва первая:

О, великая Христова угоднице, преподобная Марие! На Небеси Престолу Божию предстоящи, на земли же духом любве с нами пребывающи, имеющи дерзновение ко Господу, моли спасти рабы Его, к тебе с любовию притекающия. Испроси нам у Великомилостиваго Владыки и Господа веры непорочное соблюдение, градов и весей наших утверждение, от глада и пагубы избавление, скорбящим - утешение, недугующим - исцеление, падшим - возстание.
 
Память - 14 апреля. Молитвы ко святой преподобной Марии Египетской
Заблуждшим - укрепление, в делах благих - преспеяние и благословение, сиротам и вдовицам - заступление и отшедшим от сего жития - вечное упокоение, всем же нам в день страшнаго суда одесную страны общники быти и блаженный глас Судии мира услышати: приидите, благословеннии Отца Моего, наследуйте уготованное вам Царствие от сложения мира, и тамо пребывания во веки получити. Аминь.

Молитва вторая:   О равноангельная и всесветлая Марие преподобная, убелившая ризу души своея в Крови Агнчей и зрящая ныне на небеси невечерний свет Царствия Небеснаго Христова, помяни мя, грешнаго и убогаго раба твоего, в Богоприятных твоих к Богу молитвах и защити мя от ловления врага, веси бо его козни и лютую в сем житии на ны брань, даруй ми слезы покаяния, омывающе душевную мою скверну, испроси ми оставление грехов и жития исправление, избави мя от злых моих обычаев, лености и нерадения, научи мя постоянству и крепости в борьбе с моими греховными навыками, напечатлети в сердце моем и уме пресветлый образ тобою любимаго Христа, уязви мою душу Его всепрощающею любовию, да не оскорблю милосердие Его новыми грехами, умоли о мне и милостивую споручницу твою, Пречистую Деву Богородицу, да и мне, недостойному, дарует всесильную Свою помощь и наставит на стезю спасения, во исходе же от сего мира, о мати преподобная, сподоби мя причащения Святых Божественных Таин: в страшный час смерти помози, на воздушных мытарствах заступи и предстательством твоим отверзи ми двери Небеснаго Царствия, идеже по трудех и подвизех ныне водворяешися, зря и прославляя пресладкаго Искупителя твоего, пришедшаго в мир грешныя спасти и Божественною Своею Кровию омывающаго нас от всякаго греха. Емуже слава, честь и поклонение со Безначальным Его Отцем и Пречистым и Животворящим Духом в безконечныя веки. Аминь.
  • 316

Комментарии к новости

    Информация

    Сообщаем Вам:

    Посетители, находящиеся в группе Гости, не могут оставлять комментарии к данной публикации. Чтобы Вы могли оставить свой комментарий, необходимо зарегистрироваться

ДРУГИЕ НОВОСТИ

  • -->